🫓 Мексіканскае хрючэва

26 студзеня, 2023 00:00

мексіканскае хрючэва
Я наткнуўся на гэты рэцэпт некалькі гадоў таму цалкам выпадкова, да таго ж аказалася, што чалавек родам з той жа краіны, што і я.

Інгрэдыенты #

Аснова ці так званая база

4 кругі тарцілы (ці лаваша)
2 курыных філе
150-200 грам сыру
2 балгарскіх перцы
4-6 сталовыя лыжкі таматавага соусу
папрыка, соль, перац (па гусце)

Салата

агурок
таматы
масліны
чырвоны лук
кукуруза
зеляніна
аліўкавае масла
соль, перац (па гусце)

перапёлчыны яйкі (але можна і курыныя)
смятана (ці грэцкі ёгурт)

Кіраўніцтва #

На бляху кладзём філе, солім, перчым, дадаём папрыкі, нарэзаны палоскамі балгарскі перац.
Усё багата пакрываем таматавым соусам, добра змешваем і адпраўляем у духоўку на 90 хвілін пры 160 градусах.
Відэльцам ці рукамі раздзіраем філе на дробныя кавалачкі і зноў змешваем.
Шаруем сыр на буйную тарку.
Самы складаны этап. Збіраем гігаблін.
1. У патэльню ці кожную іншую круглую форму кладзём ліст тарцілу. Накладаем добры пласт сыру.
2. Ізноў ліст тарцілы, троху сыру, усё наша начынне з філе згатаванае вышэй і яшчэ няшмат сыру.
3. Яшчэ ліст тарцілы, добры пласт сыру і накрываем Тарцілай.
4. Накрываем форму накрыўкай і адпраўляем у духоўку на 25 хвілін пры 200 градусах.
Салата.
1. Парэзаць і змяшаць усе інгрэдыенты з пункта 2.
Адварыць яйкі, ачысціць і нарэзаць напалову.
Гігаблін рэжам на 4 часткі, выкладваем на талерку 1/4 частка.
На кавалак бліна дадаём 1 сталовую лыжку смятаны ці грэцкага ёгурту, дадаём салату і яйкі.